Plutón

Descubriuse en 1930, pero está tan lonxe que, polo momento, temos pouca información. É o único que aínda non foi visitado por unha nave terrestre.

En agosto de 2006 na Conferencia da Unión Astronómica Internacional (IAU) en Praga e tras votación, tomáronse seis novas resolucións sobre a "Definición dun planeta do Sistema Solar" e "Plutón", polo que este perdeu a súa condición de planeta e pasou a "planeta anano".

Oficialmente existen 8 planetas, aínda que o debate seguirá aberto.

Xeralmente, Plutón "era" o planeta máis afastado do Sol. Pero a súa órbita é moi excéntrica e, durante 20 dos 249 anos que tarda en facela, está máis próximo ao Sol que Neptuno.

A órbita de Plutón tamén é a máis inclinada, 17º. Por iso non hai perigo dun encontro con Neptuno. Cando as órbitas se cruzan fano perto dos extremos. En vertical, sepáraos unha distancia enorme.

Fixo a máxima aproximación en setembro de 1989 e seguiu na órbita de Neptuno ata marzo de 1999. Agora afástase e non volverá a cruzala ata setembro do 2226.

Plutón ten un satélite moi especial: Caronte. Mide 1.172 km. de diámetro e está a menos de 20.000 km. do planeta. Co tempo, a gravidade freou as súas rotacións e agora preséntanse sempre a mesma cara.

De feito, a rotación desta parella é única no Sistema Solar. Parece que estivesen unidos por una barra invisíbel e xirasen ao redor dun centro situado na barra, máis próximo a Plutón, que ten 7 veces máis masa que Caronte.

Pola súa densidade, Plutón parece feito de rochas e xelo. En cambio, o seu satélite é moito máis lixeiro. Esta diferencia fai pensar que se formaron separadamente e, despois, xuntáronse.

Plutón ten una atmosfera sutil, formada por nitróxeno, metano e monóxido de carbono, que se conxela e cae sobre a superficie a medida que se vai afastando do Sol. A NASA prepara a misión Plutón Express para que chegue a Plutón en 2008, antes da conxelación da atmosfera. Serán un par de naves pequenas e rápidas que pasarán a menos de 15.000 km. do planeta.