|
As ferramentas de autor, permítennos crear contidos multimedia cunhas aplicacións sinxelas de manexar, co engadido de estaren en galego e seren gratuítas. A gran vantaxe é a creación de contidos adaptados exactamente ás nosas necesidades nun entorno de colaboración dentro no mundo docente.
LIBROS INTERACTIVOS MULTIMEDIA - LIM. Autor: Fran Macías
O sistema Lim é unha contorna para a creación de materiais educativos, cada arquivo denomínase libro, e cada actividade páxina. As páxinas poden ser interactivas ( sopas de letras, quebracabezas, preguntas , etc ) ou descritivas ( mostran información).
As vantaxes técnicas son as ligadas a internet:
|
Os arquivos están na web, non se instala nada no ordenador.
Accesibilidade inmediata.
Independente do sistema operativo, hardware e navegador web.
Tecnoloxía Macromedia Flash, de contrastada seguridade e fiabilidade.
Contorna aberta. Utilización de arquivos XML.
Exemplos |
|
MANUAIS EN GALEGO: A CONTORNA LIM (pdf 2,46 Mb) O MEU PRIMEIRO LIBRO (pdf 1,79Mb)
v.3.0 - 2009
CURSO LIM PROPOSTAS DE TRABALLO
PROXECTO XOGAMOS?
Baixo o nome de Xogamos? agrúpanse unha serie de recursos informáticos adicados á elaboración e utilización de xogos de pregunta-resposta.
As ferramentas que inclúe para a creación de xogos son:
- EdiPre: editor de preguntas. Programa informático para contornas windows e linux.
- DEX: DEseño de Xogos. Aplicación para a construcción das interfaces gráficas dos xogos. Válida para contornas windows, linux , mac e Internet.
- E por último Xoga é un script en flash que permite a utilización dos xogos en diversos sistemas operativos ademáis de Internet.
O traballo mereceu o 1º Premio no apartado de Ferramentas de autor nos Premios a Recursos Educativos para a Sociedade da Información 2007 da Xunta de Galicia.
Autores: Fran Macías, Felo Couto e Xosé Antón Vicente.
http://www.edu.xunta.es/contidos/premios/p2007/proxecto_xogamos/index.html
Exemplos
ARDORA. Autor: Jose Manuel Bouzán Matanza.
Ardora é unha aplicación informática que lles permite a todas e todos os docentes crear as súas propias actividades, en formato html, para os seus alumnos e alumnas dun xeito moi sinxelo. Con Ardora pódense crear máis de dezaseis tipos distintos de actividades: encrucillados, sopas de letras, textos para completar, paneis gráficos, reloxos, etc. O profesor ou profesora só ten que centrar o seu esforzo nos elementos da actividade, non no seu tratamento informático.
HOT POTATOES
Suite de programas elaborada na Universidade de Victoria (Canadá).
Inclúe 6 aplicacións que che permiten crear actividades educativas en linguaxe html, como:
-
Cuestionarios de resposta múltiple (JBC)
-
Completar ocos (JCloze)
-
Exercicios de respostas abertas (JQuiz)
-
Encrucillados (JCross)
-
Exercicios de ordenar frases ou letras dunha palabra (JMix)
-
Exercicios de asociación ou emparellamento (JMatch)
|
HOT POTATOES EN GALEGO |
|
WEBQUEST
Constitúe unha dinámica capaz de impulsar procesos de emprego reflexivo das tecnoloxías por parte dos alumnos. Enfrontan ao alumnado a procesos de decisión e manexo dos medios (búsqueda e tratamento da información e produción propia utilizando os medios -procesadores de texto, editores de presentacións, editores de imaxes, follas de cálculo...).
Calquera persoa, sen máis coñecementos que saber utilizar o navegador, estando conectada a Internet pode aquí elaborar on-line a súa propia WebQuest en forma dunha páxina web
Xerador de Webquest
Tamén podes visitar a Sala de Mestres http://www.edugaliza.org/inicio/sala/mestres donde en breve estrearemos unha zona de teleformación na que xa contamos co curso CLIC para que poidas crear materiais educativos multimedia
| 
