 |  webquest | aulas | sala | obradoiro | biblioteca |  |  |
|
|
|
O rato (tradución do "mouse" inglés) é un dispositivo que permite mover un punteiro gráfico pola pantalla e seleccionar ou abrir iconos, imaxes, texto empregando os botóns. Foi inventado como dispositivo de debuxo para os primeiros sistemas de trazado en pantalla, a partir de solucións técnicas ideadas para os controladores aéreos e operadores de pantallas de rádar. Coa aparición dos sistemas operativos gráficos (como macintosh ou windows) convertiuse en peza imprescindíbel dun equipo. Os dous botóns esquerdo e dereito teñen funcións distintas:
Este comportamento pode variarse clicando no botón de inicio de windows, configuración, panel de control. Hai un módulo de control do rato...
...no que se poden variar o funcionamento das teclas, a rapidez coa que se despraza o punteiro pola pantalla e outras cousas. Configuración No sistema windows o rato forma parte da configuración básica, isto quer dicir que o propio sistema xa habilita os controladores necesarios para facer o funcionar esta peza, sempre que se trate dun rato estándar. Tamén podes empregar algún servicio internet de localización de drivers, onde se poden rastrear controladores (drivers) para o sistema windows de calquer tipo de aparello. Ultimamente estes servicios volvéronse de pago cando en un principio eran gratuítos, e hoxe por hoxe acostuman a obrigar a algún tipo de rexistro para poder descargar. Tamén hai que ter cuidado con webs que aparentemente ofrecen drivers e en realidade ocultan outro tipo de contidos. Quizá a solución máis fiábel e segura sexa empregar as páxinas web dos fabricantes. Reparacións O rato ten un funcionamento tan sinxelo que raramente presenta averías significativas, e o seu prezo é tan baixo que no caso de que ocurra tal cousa, paga a pena substituílo por un novo, polo menos nas versións básicas. Mantenimento Se queremos que o rato do ordenador funcione sempre correctamente é unha boa práctica empregar alfombra...
...mellora a adherencia da bola, e, polo tanto a precisión no movimento, e evita en parte a entrada de lixos nos rodamentos. No caso dos ratos ópticos (sen bola) esta adherencia é irrelevante, pero pola contra, o láser que mide o movimento do rato precisa dunha superficie opaca e mate. Se a zona de traballo é unha mesa ou superficie moi brillante, o rato perderá precisión e parecerá fallar con frecuencia. Unha alfombra mellora este comportamento, sendo neste caso as máis recomendábeis as que teñen a superficie téxtil (con completamente mates e a rugosidade do material téxtil é unha apoiatura moi conveniente para o funcionamento do láser). O único problema que se dá con frecuencia nos ratos (de bola) é a obstrución dos rodamentos por lixos. O movimento do rato fai virar unha bola que está en contacto coa mesa ou coa alfombra (que consideramos imprescindíbel). Esta bola toca con tres rodamentos interiores. O lixo e as feluxes que se depositan na mesa acaban enburullándose nestes rodamentos e obstrúen a rodaxe. O resultado é que non funciona correctamente, e aínda que movamos o rato, na pantalla o punteiro queda bloqueado ás veces, como se tropezase con algo inexistente. É hora de limpar os rodamentos. Esta operación debería realizarse con certa frecuencia nestes ratos...
Apagando o ordenador, ou desconectando o rato para evitar problemas coa corrente eléctrica e dándolle a volta ao rato verase unha bola cunha tapa en forma de anel. A tapa pódese abrir, habitualmente xirándoa....
Aberta a tapa e extraída a bola, podemos aproveitar para limpar esta cun trapo lixeiramente humedecido.
No aloxamento da bola veranse tres rodamentos (dous rodicios e unha roda). As feluxes estarán emburulladas nelas ou nos eixos respectivos. Pódense limpar cunha agulla ou coa punta dunha tesoira, ou cun desparafusador fino, sempre con cuidado de extraer as feluxes e non danar os mecanismos.
Por último haberá que montar todo. Pola contra os ratos de tipo óptico non precisan ningún tipo de limpeza especial. Se queres ver o interior do rato, así como máis información moi interesante sobre estes dispositivos, aquí podes encontrar máis información en inglés... Variacións Existen no mercado distintas variantes no deseño dos ratos que comentamos aquí
O rato de tres botóns é case tan habitual como o de dous.
O rato con roda central apareceu cando se popularizou o acceso a internet.
Como o desenrolo tecnolóxico é imparábel xorden continuamente variacións sobre estes esquemas, como botóns engadidos para outras funcións, roda central desprazábel lateralmente para o deslizamento lateral. Igualmente existen no mercado, aínda que non teñen un uso extendido como o rato e o seu manexamento é máis difícil de coordenar, solucións para manexar o punteiro como deslizadores de bola (vén sendo un rato coa bola colocada na parte superior, así, en lugar de desprazar o rato sobre a mesa, este mantense fixo e coa man móvese directamente a bola de control Para saber máis Se estás interesado en curiosidades sobre este dispositivo, saberás que o rato (mouse) foi desenrolado por Douglas Engelbart e o seu equipo no Stanford Research Institute na década de1960. Formaba parte dun amplo traballo de investigación sobre as interaccións entre os seres humanos e os ordenadores, e estaba relacionado tamén con tecnoloxías como o hipertexto (ligazóns entre palabras de textos diversos) e a primeira rede de área ampla de ordenadores, ARPANET, que formaría o embrión da futura internet. Podes consultar abundante documentación sobre isto na web do rato do Instituto de Stanford , onde teñen mesmo o vídeo de presentación do primeiro rato da historia feito por D. Engelbart e o seu equipo no 1968. Hai unha galería completa de imaxes dos primeiros modelos, da que che mostramos esta:
|
