Experiencias de lingua escrita
	Algunhas actividades de aula desde o enfoque construtivista	Manolo Gesto 29/4/2004

Un dos avances máis evidentes no proceso de construción no coñecemento da lingua escrita é o paso da escrita de nomes "soltos", con valor de seu, á confección de listados de todo tipo.

O listado dos compañeiros da clase máis afíns, dos familiares, amigos,...,, vénselles sumar unha que adoitan ver nas súas casa con frecuencia: A lista da compra.

Confeccionar unha é, pois, outra das ocasións que podemos aproveitar para traballar a lingua escrita.

A oportunidade pode xurdir en calquera momento: porque precisamos renovar o material de aula, porque alguén foi ao super ou hiper recentemente...e non digamos se se achega o Nadal. A carta aos Reis tamén é unha lista, e ben significativa, ademáis.

¡A cantidade de cousas que poden chegar a pedir estes cativos!