Sempre foi un motivo de satisfacción para todo o mundo, grande e pequeno, amosar fotos propias onde un se vexa "favorecido".
Os nenos e as nenas tamén disfrutan destas cousas, e, se a ocasión é propicia, podemos facerlles notar, con unha serie suficientemente escalonada no tempo, o paso do tempo e como as persoas mudan. Coas realizadas na propia escola ou centro sucede o mesmo. Sempre lles gusta verse como eran antes (poida que non eles, pero si os compañeiros e compañeiras) e botar unhas risas.

Unha experiencia moi interesante é que lle poñan o seu propio pé de imaxe ás fotografías que poidan traer da casa, ou a algunhas que teñamos pola aula, para facer unha exposición. Isto constitúe unha motivación moi profunda, xa que terán que mostrar o que estaban facendo nese preciso instante e explicarllo aos demáis, chegado o momento.

Aínda que case se intúe o que puxeron nestas fotos, transcribo os textos de Pablo (5 anos)  e de Ricar (4 anos):

"ESTABA ENTRANDO COA EXCAVADORA" (foto superior)

" ME PAREZO UN POUCO A NICOLÁS" (foto inferior)