Experiencias de lingua escrita
	Algunhas actividades de aula desde o enfoque construtivista	Manolo Gesto 29/4/2004

Un dos lugares máis significativos para escribir nunha escola está na biblioteca. 
Eses libros que se levan para a casa, que tanto gustan, cos títulos tan bonitos e con tantos tipos de letras diferentes...constitúen un dos recursos máis importantes e máis a man que teñen nenos e nenas para achegarse ao concepto da simboloxía convencional da lingua escrita.

¿Non deberiamos aproveitar, entón, estas ocasións para que do mesmo xeito que queren levalos, darlles a oportunidade de que cada quen escriba (ao seu xeito, cada vez mellor) o título, etc e leve un sinxelo rexistro dos libros que "lea"?

Aquí podemos ver un modelo, nun panel na parede, neste caso, pero tamén poderían facelo nunhas follas preparadas para iso ou en calquera outro lugar apropiado.
Con iso cumprimos dous obxectivos, que sexan os propios nenos e nenas quen se responsabilicen dos libros que levan e que escriban porque hai unha razón real para facelo.