Asteroides

Son unha serie de obxectos rochosos ou metálicos que orbitan ao redor do Sol, a maioría no cinto principal, entre Marte e Xúpiter.

Algúns, sen embargo, teñen órbitas que van máis aló de Saturno e outros achéganse máis ao Sol que á Terra. Algúns bateron contra o noso planeta. Cando entran na atmosfera a gran velocidade, prenden e transfórmanse en meteoritos.

Aos asteroides tamén lles chaman planetas menores. O maior é Ceres, con 1.000 km. de diámetro. Despois está Vesta e Pallas, con 525 km. Acháronse 16 que superan os 240 km., e moitos máis pequenos. Ida, na fotografía lateral, ten uns 115 km. de punta a cabo e Gaspra, abaixo, non  chega aos 35.

As naves que navegaron a través do cinto de asteroides mostraron que está practicamente baleiro e que as distancias que separan os uns dos outros son enormes.

Os asteroides do cinto formáronse, consoante unha teoría, a partir da destrución dun planeta, un pequeno planeta. Sería preciso xuntar 2.500 veces os asteroides coñecidos para ter a masa da Terra.

Segundo outra teoría, un grupo duns 50 formáronse co resto do Sistema Solar. Logo, as colisións os foron fragmentando.

Dentro do cinto hai lagoas zonas onde non xira ningún asteroide por mor da influencia de Xúpiter, o planeta xigante máis próximo.

O asteroide Castalia fotografado polo Telescopio Espacial Hubble en 12 posicións