Non deixaremos Ermelo sen disfrutar da vista do Mirador da Esculca. Nun día claro, quedaremos abraiados ante a vista, que abarca desde o Cabo Silleiro ata o Cabo Fisterra.

12.-Para seguir a rota voltaremos á fonte. Por pista asfaltada, 200 m., pasada a curva, tomar camiño á dereita. Non é fácil de explicar o camiño por aquí. Hai varios cruces e algúns camiños anegados de auga. Hai que ir subindo e gañando á dereita. Podemos seguir marcas de bicicletas. Chegaremos a unha chan, no alto, sen arborado. Buscaremos unha antena cara ó sur. Ó lado unha cruz de madeira.

13.-Miradoiro da Cruz de Xestoso. Ampla panorámica do Val de Moaña e da Ría de Vigo.Desde aquí comezamos a baixar por unha pista ancha.

14.-"Pouso das Cruces". Área de repouso en que conflúen a R. B. e a R. C. Segue o camiño baixando pola pista ancha.

 
15.-Fonte. Seguimos pista ancha pola dereita. A pouco de aquí, poderemos saír á dereita a un grande penedo: a "Pena de Coiro".

16.-Cruce de tres pistas anchas. Aquí conflúen a R. A. e a R. C. Seguindo a pista que baixa, chegaremos á Área de Espiñeiro: fonte, mesas, repoboación de bosque autóctono. 50 m. máis abaixo, lugar afectado polo proxecto dunha vía rápida.

17.-Na curva anterior a Espiñeiro, nun claro, sae o sendeiro de baixada. Por este e máis abaixo, atoparemos un desvío á esquerda que non tomaremos. Chegamos ó depósito. Desandamos o camiño inicial ata o Igrexario.